Пендаровски – Столтенберг: НАТО да продолжи со поддршката на Украина
Соработката меѓу Република Северна Македонија и НАТО Алијансата, за актуелните регионални и безбедносни прашања, енергетските предизвици и безбедносните теми поврзани со стабилноста на регионот, биле теми на телефонскиот разговор на претседателот Стево Пендаровски со генералниот секретар на НАТО, Јенс Столтенберг.
Во однос на руската агресија врз Украина, претседателот Пендаровски, како што соопшти неговиот кабинет, ја реафирмирал поддршката за Украина и украинскиот народ, посочувајќи дека Северна Македонија, како членка на НАТО, ќе продолжи да пружа воена, хуманитарна и дипломатска помош, со крајна цел прекин на воената агресија, одбрана на демократските вредности и воспоставување на мир.
Генералниот секретар Столтенберг се заблагодарил за поддршката што Република Северна Македонија ја дава на украинскиот народ во одбрана на нивната земја.
Двајцата соговорници се согласиле дека Алијансата треба да продолжи во своите напори за поддршка на Украина со цел стабилизирање на ситуацијата во целиот евроатлантски простор.
Ново на Сител
-
Турските пожарникари се бореле со 306 пожари во последните четири дена
-
Гундоган стави крај на репрезентативната кариера во дресот на Германија
-
Синер го освои Мастерсот во Синсинати
-
Стејт департмент: САД се во редовен контакт со владини функционери за прашања од меѓусебна загриженост
-
Едно лице повредено во пукање во населба Ченто
-
Делови од Аеродром и Карпош, како и повеќе скопски села утре без струја
-
Грозоморен настан во Тирана - Американец ја задавил сопругата и двете кучиња и си пресудил со бесење
-
СЗО предлага да се покренат планови за вакцинација во областите погодени од Мпокс