Пет интервенции на кумановските пожарникари за 12 часа
Кумановските пожарникари вчера интервенирале петпати. Во Липково гореле 20-тина хектари сува трева и мал дел нискостеблеста шума. Пожарот бил изгаснат во 20 часот, информира денеска РЦУК- Куманово.
Овој пожар час и половина го гаселе петмина пожарникари со едно противпожарно возило, петмина вработени во подрачната единица на ЈП „Македонски шуми“ и двајца вработени од Полициската станица Матејче. Екипа на „Македонски шуми“ дежурала во текот на ноќта за да спречи евентуално реактивирање на пожарот.
Повеќе од четири часа од 14.05 до 18.30 часот, седумина пожарникари со две противпожарни возила гаселе запалена сува трева и стрниште во кумановското село Љубодраг. Во пожарот биле зафатени и неколку пчелни семејства.
Од ТППЕ Куманово вчера интервенирале трипати и во урбана средина и гаселе пожари на запалена сува трева. Најпрвин, горела сува трева на улицата „Доне Божинов“, во Диво Насеље, на улицата „Скопска“ и последната интревеницја била на „Михајло Пупин“.
Во моментов, информираа денеска од ТППЕ, нема активни пожари во Кумановско.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар