Пет кандидати за домаќин на следното ЕП во кошарка

Финска, Израел, Полска, Романија и Турција се кандидати за организација на Европското првенство во кошарка во 2017 година.

 

Конкурсот за организацијата на Еуро 2017 беше отворен на 1. октомври, а споменатите земји своите кандидатури ги поднеле пред истекот на рокот - 2. ноември.

 

Членовите на комисијата ќе извршат инспекција во сите земји до крајот на овој месец, а конечната одлука каде ќе се одржи Еуро 2017 ќе биде донесена на 12. декември.

 

ФИБА Европа не ја исклучи можноста една држава да ја добие организацијата на натпреварувањето, а фазата по групи да се игра во повеќе држави, како што тоа беше случај со неодамна завршениот Евробаскет.