Пет лица полесно повредени во четири сообраќајки вчера во Скопје
Вкупно седум сообраќајни несреќи се случиле вчера на подрачјето на град Скопје. Од нив три се со последици материјална штета, а во четири со полесни повреди се здобиле пет лица.
Во текот на изминатиот ден по спроведените контроли над учесниците во сообраќајот од страна на сообраќајната полиција, информира за МИА самостојниот инспектор Драган Вељаноски, откриени и санкционирани се поголем број на прекршоци.
Триесет и три возачи кои не ги почитувале ограничувањата на брзината на движење се санкционирани, пет возачи се исклучени од сообраќај затоа што ги управувале своите возила под дејство на алкохол, а се санкционирани и 16 возачи кои ги управувале своите возила по истекот на важноста на сообраќајната дозвола или без возачка дозвола.
Дваесет пешаци поминале вон обележан пешачки премин, или пак поминале на црвено светло на семафорот за пешаци.
Со помош на специјалното возило во текот на изминатиот ден отстранети се 78 возила.
Денеска Одделението за превенција при СВР во рамки на своите превентивни активности ќе реализира сообраќајна поука на тема- Безбедност на пешаците,на која присуствуваа граѓани учесници во сообраќајот кои сториле прекршоци по разни основи во својство на пешаци.
Во делот на превентивните активности денеска ќе одржиме едукативни работилници со учениците од второ одделение во О.У Панајот Гиновски општина Бутел.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден