Петмина загинати во сообраќајна несреќа во Романија

Пет лица загинаа, а 30 беа повредени во сообраќајна несреќа утрово во Романија, јави Аџерпрес. Инцидентот се случил во 6.15 часот утрово на обиколницата на градот Плоешт, северно од Букурешт.

Автобус, кој сообраќал на редовна линија меѓу градовите Манешт и Плоешт, со околу 40 патници, удрил од позади во камион, натоварен со песок. 

Според првичните заклучоци, виновен за инцидентот е возачот на автобусот, бидејќи на местото не се откриени траги од сопирачки.

Полицијата се сомнева дека возачот на автобусот можеби заспал на воланот или возилото имало технички проблеми.