„Петрунија“ и „Џган“ на Школка во Градски парк
Во рамки на првиот летен фестивал „Summerland“ кој се одржува под покровителство на Град Скопје, вечер и утревечер на Школка во Градски парк ќе бидат прикажани два македонски филма.
Од 21 часот вечер е новиот филм на Теона Стругар-Митевска – „Господ постои, името ѝ е Петрунија“, а утре од 21.30 часот ќе биде прикажан првиот долгометражен филм на Вардан Тозија – „Џган“. Проекциите на отворено се бесплатни и ги организираат Младинскиот културен центар и кино „Милениум“.
Минатата година во јуни скопјани имаа можност на отворено да ги видат „Исцелител“ на Ѓорче Ставрески и документарецот „Avec l’amour“ на Илија Цветковски, а во септември беа прикажани и „Ирационален човек“ на Вуди Ален и „Големата убавина“ на Паоло Сорентино.
-Бесплатните филмски проекции привлекоа стотици посетители во Градскиот парк и ја збогатија летната културна понуда. Град Скопје, МКЦ и кино „Милениум“ и овојпат ветуваат забавни вечери на отворено, со добри филмови. Во паркот се наместени меки фотелји, а посетителите може да си понесат и камперски столчиња, ќебиња, храна и пијалаци, соопшти Град Скопје.
Ново на Сител
-
Извештај на ЕК: Здравството во Северна Македонија еден од најголемите корисници на буџетот - инспекциските служби ранливи на корупција
-
Македонија и Бугарија се договорија - Со заеднички проект ќе ја градат железницата
-
СДСМ: Уште едно погазено ветување - ВМРО-ДПМНЕ ќе ја гради пругата кон Бугарија по истиот проект
-
Двајца пациенти добија бубрези од починат донор - извршена уште една трансплантација на хируршките клиники
-
Две рочишта против родителите на детето убиец од Рибникар
-
Во тек е пријавување за субвенциониран студентски оброк
-
Марадона ќе добие споменик во центарот на Буенос Аирес
-
ОЈО Скопје отвори предмет по доставена анонимна кривична пријава против директорот на АНБ
