Пињера води по првиот круг претседателски избори во Чиле

Во првиот круг на претседателските избори во Чиле, што се одржаа вчера убедливо води конзервативниот кандидат и поранешен претседател Себастијан Пињера.

Пињера, сепак, не успеа да го победи противкандидатот Алехандро Гилиер уште во првиот круг.

Според првичните резултати, Пињера, кој е влијателен бизнисмен во банкарството и авиосообраќајот, освоил 37 проценти од гласовите.

Неговиор главен противкандидат, социјалдемократот Гилиер освои 23 отсто од гласовите.

За победа во првиот круг беа потребни повеќе од 50 проценти од гласовите.

Вториот круг на изборите во кој ќе се соочат Пињера и Гилиер ќе се одржи на 17 декември.