Пјонгјанг: Советот за безбедност на ОН треба да го разгледа прашањето за воените вежби

Амбасадорот на Северна Кореја во ОН побара од Советот за безбедност на ОН да го разгледа прашањето за заедничките воени вежби на Јужна Кореја и САД.

Северна Кореја „силно го повикува Советот за безбедост на ОН да го разгледа прашањето за заедничките воени вежби како итно прашање на неговиот дневен ред“, се наведува во соопштението на Пјонгјанг.

Доколку Советот за безбедност на ОН уште еднаш го занемари барањето на Северна Кореја, ќе стане очигледно дека Советот повеќе не е тело што е одговорно за зачувувањето на мирот и безбедноста во светот, стои во соопштението. 

 ТАСС јави, дека барањето било испратено во петокот. 

Заедничките воени вежби на САД и Јужна Кореја, кои почнаа оваа недела, наидоа на осуда од Северна Кореја. Пјонгјанг, вежбите ги смета за непријателски потег што ја зголемува тензијата на Корејскиот Полуостров.