Почина 51-годишниот скопјанец кој се бореше за живот на Ургентен, по случена сообраќајна несреќа

Почина 51-годишен скопјанец кој се бореше за живот на Ургентниот центар откако претходно денеска учествувал во сообраќајна несреќа во Гази Баба. Од Ургентен за Сител велат дека повредениот имал тешки телесни повреди и дека со часови го реанимирале.

Претходно од МВР информираа дека во СВР Скопје било пријавено дека во 13.45 часот на подрачјето на Гази Баба во Скопје се случила сообраќајна несреќа помеѓу патничко возило "киа" со холандски национални ознаки, управувано од Б.С.(44) и мотоцикл со скопски регистарски ознаки, управуван од Т.С.(51) од Скопје

Во несреќата мотоциклистот се здобил со тешки телесни повреди констатирани во Комплекс клиники "Мајка Тереза". Увид на местото на несреќата извршила екипа од СВР Скопје.