Почина пакистанскиот мигрант ограбен и претепан кај Бунарџик

Вчера на одделението за Неврохирургија при Клиничкиот центар во Скопје почина Пакистанец кој пред десетина дена беше пронајден тешко повреден на автопатот Скопје - Куманово, соопшти лекар од Клиниката.

Имено, на 16. овој месец, на автопатот Скопје-Куманово, во близина на с.Бунарџик имало две лица со повреди на главата и телото.

Полициски службеници излегле на местото и ги пронашле И.А.С. и Ф.К.А., државјани на Пакистан, кои илегално влегле во Р.Македонија.

 

По нивно кажување, на мостот за с.Бунарџик од страна на пет непознати лица биле нападнати со палки и железни шипки, по што им биле одземени пари.

 

И.А.С. во неконтабилна состојба и Ф.К.А. биле пренесени во Медицински центар Скопје, каде им биле констатирани тешки телесни повреди.

 

Сторителите не се пронајдени.