Почина поранешниот фински претседател и познат дипломат Марти Ахтисари

Почина поранешниот фински претседател и познат дипломат Марти Ахтисари утрово во својот дом во  Хелсинки, информираат од Кабинетот на претседателот на Финска. Ахтисари почина на 86 години.

Марти Оива Калеви Ахтисари бил претседател на Финска од 1994 до 2000 година. Тој бил десеттиот претседател на Финска. Пред неговото претседателствување, тој имал неколку важни функции во Министерството за надворешни работи на Финска и во Обединетите нации. На Балканот му е познат по неговата улога како специјален пратеник на Обединетите Нации за статусот на Косово.