Почна изградбата на гасоводот меѓу Србија и Бугарија вреден 85,5 милиони евра
Изградбата на гасниот интерконектор меѓу Србија и Бугарија започна на 1 февруари на делот од гасоводот од Ниш до границата со Бугарија кај Димитровград, а рокот за завршување на работите е октомври 2023 година, објавено е на веб-страницата на Владата на Србија.
Гасоводот во Србија ќе биде долг 109 километри, а вкупната должина на двонасочниот гасовод низ двете земји е 170 километри и е проектиран за капацитет од 1,8 милијарди кубни метри гас годишно, се вели во најавата.
Вредноста на проектот е 85,5 милиони евра, од кои 25 милиони евра се заем од Европската инвестициска банка (ЕИБ), 49,6 милиони евра се грантови од ИПА фондот на ЕУ, а останатите 11 милиони евра ќе бидат обезбедени од српската буџетот и средствата на Србијагас.
Покрај Србија, грант од 27,6 милиони евра од Европската комисија за изградба на гасовод на нејзина територија доби и Бугарија.
Како што е предвидено во проектот, новиот гасовод Ниш-Софија ќе обезбеди дополнителни 80 проценти зголемување на капацитетот во однос на сегашните годишни потреби на Србија, што е околу 2,4 милијарди кубни метри гас годишно.
Со овој проект ќе се овозможи полесен пристап до гас до оние места кои досега го немаа, Бела Паланча, Пирот и Димитровград.
На почетокот на работата присуствуваа премиерката на Србија Ана Брнабиќ, министерот за енергетика на Бугарија Александар Николов, министерката за рударство и енергетика на Србија Зорана Михајловиќ, министерката за европски интеграции на Србија Јадранка Јоксимовиќ, шеф на Делегацијата на ЕУ во Србија. Емануел Жофре, директорот на Србијагас Душан Бајатовиќ, како и претставници на Југоросгас и Булгартрансгас и Европската инвестициска банка.
Ново на Сител
-
Димитровска: Комуницирав со семеен пријател пред да биде обвинет за „Адитив“
-
ССМ утре на првомајски протест со барање за повисоки плати
-
Охриѓанец завршил во болница откако голтнал ќесичка кокаин за да не го фати полиција
-
1425 сообраќајни прекршоци изминатите два дена на територија на цела држава, 333 за брзо возење
-
Ужас во Охрид: 50-годишник повеќе пати силувал девојче кое не наполнило 15 години, девојчето се породило во март
-
Незапаметен случај на лихварство во Охрид: Маж (35) и жена (39) изнудиле 1.160.000 евра
-
Српски воен падобранец загина по скок со падобран
-
Мајкл О’Флаерти: Северна Македонија да продолжи со посветеност на правата на Ромите