Почна изградбата на градинката во штипската населба „Сењак“
Почна изградбата на новата детска градинка во штипската населба „Сењак“. Градоначалникот на Општина Штип, Благој Бочварски вели дека по 30 години во Штип се гради ваков капитален објект, во кој ќе се згрижат 200 деца.
- Се работи за еден прилично скап проект кој изнесува околу 50.000.000 денари, односно околу 800.000 евра. Седумдесет проценти од оваа сума се средства обезбедени од буџетот на општина Штип, додека околу 30 проценти од Центарот за развој на Источно планскиот регион преку Биро за рамномерен и регионален развој, рече Бочварски.
Славејко Ѓорогиев од градежната фирма „Вардар градба“ од Скопје истакна дека објектот ќе биде готов за една година.
- Станува збор за објект со површина од 1.600 метри квадратни, ќе биде само на приземје и ќе биде изграден со квалитетен материјал, како што е предвидено во техничката документација, вели Ѓоргиев.
Новата детска градинка во населбата Сењак ќе биде изградена по сите стандарди кои ги пропишува законот за ваков вид на градби.
Ново на Сител
-
Пронајдена муниција и модели од автоматски оружја кај дилер од Битола
-
Украл женска ташна, приведен крадец од велешко
-
Ѓорѓиевски: Почнуваат бесплатните логопедски третмани во Кисела Вода
-
Ристески: Приоритет ќе ни биде да ги вратиме младите
-
Мицкоски: Заедно со невладиниот сектор ќе се бориме против криминалот и корупцијата
-
Исчезнале тројца Непалци кои работеле во охридски хотел
-
Фирмата која готви за АРМ: Храната и кујната се 100% исправни
-
Велешанец фатен како продава марихуана на малолетник