Почнува амандманската расправа за Предлог буџетот за 2016

Собраниската Комисија за финансирање и буџет денеска треба да почне со амандманската расправа за Предлог буџетот за 2016 година. 

За Предлог буџетот до матичната комисија се поднесени 418 амандмани, од кои 235 од здружената опозиција, 178 од ДПА, три од ДУИ, еден од пратеничката Роза Топузова Кареска и еден од повеќе пратеници.

Во петокот Комисијата по четири дена расправа го заврши општиот претрес за Предлог буџетот за 2016 година.

Собранискиот деловник предвидува расправа од најмногу 10 дена за новиот  буџет  во матичната собраниска комисија.