Почнува имунизацијата со Џонсон и Џонсон во Грција

Во процесот на имунизација во Грција од денеска вклучена и вакцината на Џонсон и Џонсон, која е наменета за сите категории граѓани, јави дописничката на МИА од Атина.

Според најавите од изминатите денови од генералниот секретар во Министерството за здравство на Грција Мариос Темистоклеус, паралелно, од денеска почнува третата фаза на имунизација во земјата, со дополнителен број пунктови и се очекува да се зголеми бројот на дневните вакцинации.

Заклучно со вчера, во земјата се спроведени 3.201.212 вакцинации, од кои 2.214.660 граѓани ја примиле првата доза, а 986.552 и втората.