Погрешни резултати за Ковид-19 добија 3.700 Швеѓани поради грешка во опрема
Околу 3.700 лица во Шведска добија неточен резултат дека се позитивни на коронавирусот, поради грешка во опрема за тестирање за Ковид-19, која пристигнала од Кина, објави денеска Агенцијата за јавно здравје.
Според агенцијата, опремата на компанијата БГИ Геномикс (BGI Genomics) не може да ја воочи разликата меѓу многу ниско ниво на заразеност со коронавирусот и негативниот резултат.
– Снабдувачот мора да ги прилагоди перформансите кои се потребни за користење на овој тест, рече Карин Тегмарк Висел, шефица на Одделот за микробиологија на агенцијата.
Таа додаде дека истата опрема за тестирање била извезена и во други земји, но не изнесуваше други детали.
Шведска соопшти дека погрешните резултати имале мал ефект врз статистиката за бројот на заразени со коронавирусот во земјата.
Агенцијата денеска соопшти дека, од почетокот на пандемијата, во Шведска се потврдени 86.891 случаи на коронавирус, додека 5.814 лица починале.
Ново на Сител
-
Најмалку 10 луѓе, меѓу кои и деца, се застрелани во приградски воден парк во областа Детроит
-
Сончево и топло со локална облачност, температура до 35 степени
-
Сиљановска Давкова ќе се обрати на Самитот за мир во Украина, што се одржува во Бургеншток, Швајцарија
-
Втор ден од мировниот самит за Украина во Швајцарија
-
Од 9 часот утрово во прекин сообраќајот од излез Нов Дојран до влез Стар Дојран
-
ВМРО-ДПМНЕ треба да ги утврди кандидатите од коалицијата „Твоја Македонија“ за членови во Владата
-
Честитка од претседателката Сиљановска Давкова по повод муслиманскиот празник Курбан Бајрам
-
Приведен крадец баран по централна потерница