Покрената истрага против Демирташ поради изјавите за курдска автономија во Турција

Турското обвинителство покрана истрага против лидерот на прокурдската Демократска партија на народите (ХДП) Селјахатин Демирташ поради изјавата за курдска автономија во југоисточна Турција.

На вчерашниот собир на курдскиот Демократски национален конгрес во Дијарбекир беше побарано создавање на автономен регион на Курдите во југоисточниот дел на Турција. Демократски национален конгрес е коалиција која обединува повеќе курдски невладини организиции и активисти. 

На собирот во Дијарбекир е усвоена и Декларација во која се повикува за изнаоѓање политичко решение за курдскиот конфликт и на создавање автономен регион што би ги вклучувал окрузите во југоисточна Турција во кои Курдите се мнозинство и кои имаат „културни, економски и герографски сличности“.    

Истрагата е покрената против Демирташ за неговата изјава за независност на курдските региони во Турција. Таквата изјава може да се оцени како нарушување на уставниот поредок и противуставно дело.

Демирташ вчера изјави дека „Курдите во иднина можат да добијат автономни региони и дури и независни држави“.