-->
-->
Пола Аеродром цел ден оставен без вода
-->
Голем дел од жителите на општината Аеродорм цел ден се без вода во своите домови. Од утрово од 09:00 часот започнала интервенцијата на Водовод која требало да трае неколку часа, но и вечерва во оваа скопска општина немаат вода. Според информациите кои ги добивме од наши гледачи се работи за проблем кој го имаат жителите на булеварот АСНОМ.
- Од утрово добивме информација дека ќе има интервенција која ќе трае неколку часа. Јас се јавив попладнето откако се вратив од работа за да побарам одговор, но од Водовод ми рекоа дека вода ќе добиеме за еден час. По еден час пак се јавив ми рекоа дека работат и дека најдоцна до 19:00 ќе имаме вода. Но, ете решение нема, вели Горан Стојанов жител во една од станбените згради на булеварот АСНОМ.
Жителите на овој дел од градот се револтирани бидејки често имаат проблеми со водата која ја плаќаат но не ја добиваат во своите домови.
Од Водовод потврдија дека делови од општината Аеродорм повеќе од 12 часа немаат вода за пиење. Според информациите од претпријатието се работи на промена на седум затворачи од Ф150 од кои пет биле во шахта, а два надвор од шахта на повеќе локации. Најавите од Водовод се дека во текот на ноќта жителите на овој дел од градот ќе добијат вода. Од претпријатието велат дека промената на затворачите се врши со цел спречување на вакви проблеми во иднина, односно при интервенција од системот да бидат исклучени што помал број на корисници наместо цела населба. Планот бил да се спроведе промена на затворачи низ цело Скопје.
Иван Кузмановски
-->
-->
-->
Ново на Сител
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица