Полицијата влезе во домот на Артан Груби

Утрово се извршени повеќе претреси на различни локации поради сомнеж за организиран криминал во Државна Лотарија. Претресен бил и домот на поранешниот прв вицепремиер Артан Груби, но тој не бил пронајден.

Се трага и по екс директорот на Лотарија, Прпарим Бајрами за кој постои сомнеж дека пред неколку месеци избегал во Косово.

При извршените претреси, неофицијално пронајдена е поголема сума на пари.

По медиумските објави дека човекот кој минатиот понеделник се разбуди на црната листа на САД за случај со значителна корупција и директна вмешаност во судски скандал со мито и корупција е во бегство и на Косово, лично Груби пиша и потврди на Фејбук дека е на Косово во наводна приватна посета, демантирајќи дека избегал.

- Веднаш штом ги завршам обврските, ќе се вратам дома кај моето семејство, напиша Груби.

Сепак, останува неизвесно дали навистина ќе биде така.