Полициска операција против шверцери на дрога во Турција

Најмалку десет лица се притворени при операција на Истанбулската полиција за шверц на дрога, соопшти Управата за безбедност во Истанбул.

Единици на службата за борба против шверцот на наркотици и организиран криминал спроведоа рации во квартовите Авџилар и Бахчелиевлер, кои се наоѓаат во европскиот дел од Истанбул. Во операцијата учествуваа припадници на специјалните сили за борба против тероризмот, како и полициски хеликоптери.

Полицајците извршија истовремени претреси на десет адреси, при што конфискувани се различни количества наркотици. Во акцијата приведени се најмалку 10 лица, осомничени за учество во нелегална трговија со наркотици.