Пописот во септември ќе се спроведе според највисоките статистички стандарди, уверува Маричиќ
Пописот во септември ќе се спроведе според највисоките статистички стандарди, изјави министерот за правда Бојан Маричиќ во интервјуто за „Еуроњуз“ дадено за време на неговата посета на Тирана.
Маричиќ посочува дека има силна политичка волја и расположение кај граѓаните наесен да се одржи пописот и уверува дека државата има модерен закон и методологија кои гарантираат дека пребројувањето на населението ќе биде според сите највисоки статистички стандарди.
– Сметаме дека ова е процес што треба да го направиме оваа година, бидејќи е неопходен за државата за да се креираат добри политики за нашите граѓани. Планираме да започнеме на 5 септември и да завршиме на 30 септември. И убеден сум дека тоа ќе се случи. Убеден сум бидејќи постои силна политичка волја и од Владата и од сите политички партии, но и меѓу граѓаните постои високо разбирање дека ова е нешто потребно и нешто што треба да го направиме, вели Маричиќ.
Додава дека не гледа причина пописот повеќе да се одложува.
– Мислам дека можеме да ги одржиме изборите веднаш по овој попис. Значи целта на Владата е да се стави крај на овој попис и да се започне кампања за локалните избори. Мислам дека тоа е најразумното нешто што можеме да го направиме за државата, вели Маричиќ во интервјуто.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година