Поранешен генерал во НАТО смета дека Сирија ќе се подели

Поранешниот главен командант на НАТО за Европа, Џејмс Ставридис изрази мислење дека е време Сирија да се подели на неколку делови.

Тој дури и предложи неколку опции за тоа сценарио вклучително и примери на Југославија, на БиХ и Ирак.

Ставридис вели дека војната во регионот нема да биде набрзо завршена, наведува Форин полиси.

– Клучен проблем на Сирија е што главните сили сами не можат да се договорат за излез од кризата – САД и Русија не се со ист став за судбината на Асад, Саудиска Арабија и Иран се во геополитички и регионални судири, додека Русија и Турција имаат несогласувања за тактички и стратешки прашања, смета генералот.

- Со продолжувањето на кризата станува се поочигледно дека единствената сириска држава веќе не постои. Народот е поделен поради граѓанската војна и со голем дел од државата управуваат разно-разни лидери, вели тој. Затоа и поранешниот командант на НАТО во Европа, предлага поделба.

Тој ја гледа поделбата на следниот начин: 

- Околу Дамаск ќе се појави алавитски регион под управа на Асад или оние што ќе го заменат.
- Со централниот регион со време ќе почне да управува умерен сунитски режим
- На исток во државата може да се појави курдска енклава

- Сепак, пред да се донесе таква одлука треба да се разгледаат последиците од такви чекори, смета Ставридис.