Последни две недели од мандатот на владата на Ковачевски
Месецов треба да ни донесе нова техничка Влада а кабинетот на премиерот Ковачевски влегува во последните две недели од својот мандат. Сепак, и новата Влада на Џафери нема да донесе нешто многу нови имиња имајќи предвид дека СДСМ веќе најави дека и во техничката влада ќе оди со истите имиња, а истото се очекува и од ДУИ. Мицкоски вчера во интервју рече дека своите двајца министри како и замениците ВМРО-ДПМНЕ ќе ги официјализира по Водици, односно недела дена пред гласањето кое се очекува пред крајот на јануари.
Голема е веројатноста еден од нив да биде Наќе Чулев кој и претходно беше технички министер за внатрешни работи.
Во меѓувреме се уште тече процесот на групирање во пресрет на изборите. Официјална во моментов е само коалицијата во албанскиот опозициски блок, а извесен е и составот на коалицијата со која што ќе настапи ВМРО-ДПМНЕ. Она што не се знае е како ќе се постават владејачките партии. СДСМ се труди да направи договор со ДУИ и Алијанса но до овој момент се уште нема информации за заеднички настап на изборите. Можно е ДУИ и Алијанса да бидат заедно а СДСМ да остане со ЛДП, ДОМ и НСДП.
Во претседателската трка исто така нема нови моменти. Стево Пендаровски се чини како најсериозен кандидат на владејачкиот блок, додека во опозицискиот веројатно ќе се избира меѓу професорите Силјановска и Спасеновски. Вториот круг од претседателските избори ќе се одржи на 8ми мај, заедно со парламентарните.
Ново на Сител
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО
-
ЦУК: Десет пожари на отворено од коишто еден е се уште активен
-
18-годишна девојка пријавила дека ја тепал вонбрачниот сопруг
-
Агелер: Нема одново преговори ниту за Преспа, ни со Бугарија за ЕУ
-
МОН: Од утре ќе се исплаќа неисплатената финансиска поддршка за основци и средношколци
-
СДСМ избира нов лидер на партијата
-
Македонците во Албанија не ги признаваат резултатите од пописот, МНР ќе го повика амбасадорот Марковски на консултации