Поведена истрага за Арачиновец кој поседувал пиштол без дозвола и ја повредил сопругата
Основното јавно обвинителство – Скопје донесе наредба за спроведување истражна постапка против 68-годишен жител на Арачиново кој вчера пријавил во полиција дека во сопствениот дом испукал куршум кон неговата сопруга, нанесувајќи и тешка телесна повреда во главата, во пределот на увото.
– Основното јавно обвинителство Скопје донесе Наредба за спроведување истражна постапка против 68-годишен жител на Арачиново, осомничен дека сторил кривично дело „тешки дела против општата сигурност“ по член 292 став 1 во врска со член 288 став 1, како и кривично дело „неовластено изработување, држење, посредување и тргување со оружје или распрскувачки материи“ според член 396 став 1 од Кривичниот законик, информираат од ОЈО Скопје.
Надлежниот јавен обвинител до судијата на претходна постапка од Основниот кривичен суд Скопје поднесе предлог за определување мерки на претпазливост за осомниченото лице – забрана за напуштање на живеалиштето, обврска повремено да се јавува кај определено службено лице и привремено одземање на патната исправа.
Судијата, како што информираат, го прифатил предлогот на јавниот обвинител и на осомничениот му ги определи бараните мерки на претпазливост во текот на кривичната постапка.
Претходно, Министерството за внатрешни работи информираше дека осомничениот околу 13:40 часот во текот на вчерашниот ден сам се пријавил во полициска станица, каде бил приведен. Неговата сопруга била пренесена во комплекс клиники „Мајка Тереза“ каде и се констатирани тешки телесни повреди.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ