Повеќе од 11% од депортираните од Германија минатата година биле малолетници на возраст од 6 до 18 години

Повеќе од 11 отсто од депортираните од Германија лани биле деца или тинејџери, според владини бројки објавени како одговор на пратеничко прашање од Левичарската партија, јави ДПА.

Во 2024 година, властите депортирале 20.084 лица, вклучувајќи 2.316 на возраст меѓу 6 и 18 години.

Во првата половина од оваа година, меѓу 11.807 депортирани лица имало 1.345 деца и тинејџери, или 11,4%, покажуваат бројките.

Бројот на депортации веќе се зголемил за време на претходната владејачка коалиција во Германија - од 12.945 во 2022 година на 16.430 во 2023 година и 20.084 во 2024 година.

Левичарски пратеник ја критикуваше депортацијата на малолетници, велејќи дека децата треба да одат на училиште, а не да бидат „во авион за депортација“.