Повторно вооружен грабеж на бензинска пумпа на „Макпетрол“

Вчера околу 17,45 часот во Скопје на бул.„Македонско Косовска Бригада“ поточно на бензинска пумпа „Макпетрол“ од страна на непознат сторител маскиран и вооружен со пиштол од вработениот одзел околу 100.000 денари.

Разбојникот потоа го напуштил местото на настанот.

Се преземаат мерки за пронаоѓање на сторителот и целосно расчистување на кривичното дело.

Непознато машко лице вооружено со пиштол на 10. овој месец ја ограбило бензинската пумпа на „Макпетрол“ на улица „Кемал Сејфула“ во скопски Чаир.

МВР соопшти дека вооружениот крадец им се заканил на вработените на бензинската и одзел торба со пари, по што се упатил кон улицата „Дижонска“.

Разбојникот не е фатен.