Православен молитвеник издаде Лешочкиот манастир
Манастирскиот комплекс „Свети Атанасиј“ од тетовски Лешок издаде нов православен молитвеник на 176 страници.
Содржината со православни молитви е поделена во категориите: Утрински молитви, Вечерни, Молитви во текот на денот и за разни потреби, Кратки молитви, Mолитви пред и по секоја причест, Акатист кон Пресвета Богородица и Катихизис.
-Заради сета возвишена полезност на молитвата, Епархискиот црковно-просветен совет на Тетовско-гостиварската епархија реши да го издаде овој „Православен молитвеник“ што треба покрај Светото Писмо да е присутен во секој христијански дом. Да се моли значи да се комуницира со Бога со искрени желби и надеж дека овој молитвеник ќе ви помогне во делото на молитвата, вели во поговорот митрополитот Тетовско-гостиварски г. Јосиф.
Главен уредник на изданието е владиката Јосиф, технички уредник протопрезвитер Александар Стојановски, а лектурата е на ѓакон Ѕвонко Трпевски. Молитвеникот може да се најде во црквите и манастирите на Тетовско-гостиварската епархија.
Ново на Сител
-
Промовирање офицери и подофицери на Воената академија
-
Руската ПВО собори 14 украински дронови
-
Една жртва, изгорени куќи, објекти и огромна материјална штета во пожарот во поширокиот регион на Атина
-
Земјотрес од 4,6 степени по Рихтер го погоди подрачјето на Лос Анџелес
-
Состојба на патиштата
-
Портокалово ниво на опасност од високи температури, денеска до 41 степен
-
Собранието го донесе Ребалансот на Буџетот
-
АПЕЛ ЗА ПОМОШ: Исчезната е Олгица Димитровска