Пред Москва пресретнати најмалку три беспилотни летала

Најмалку три беспилотни летала биле пресретнати на небото над московскиот регион рано утринава, јави Скај Њуз, повикувајќи се на руските служби за итни случаи. Едно од беспилотните летала било соборено во соседниот регион Калуга.

„Според првичните информации, трите беспилотни летала се движеле кон Москва во различни периоди од ноќта“, соопшти Тасс, повикувајќи се на извор од службата.

Во близина на селото Валуево се соборени два дрона, јавија руските медиуми. Селото се наоѓа на околу 30 километри југозападно од Кремљ. Едниот дрон е регистрирана во регионот Калуга, што се граничи со Московската област.

Вториот дрон е соборен во областа на градот Кубинка, на околу 63 километри западно од Москва, во чија близина има руска воздухопловна база.

Според првичните информации, во нападите на дроновите нема повредени или материјална штета.