Пресврт: Сопругот на Јелена со ќерката и синот ја напушти семејната куќа

Семејството Марјановиќ денеска околу 12 часот попладне ја напушти семејната куќа во Борча.

Зоран, неговиот син Урош, ќерката Јана и таткото Владимир заедно излегоа и седнаа во автомобилот. Потоа заминаа во непознат правец.

Тие не беа расположени за разговор со љубопитните новинари, туку си заминаа со возилото. Во полиција пак е пријавено пронаоѓање на лични работи од непознато лице на каналот во Борча.Во близина на местото каде последен пат е видена жива Јелена, мештани пронашле спортска торбица која е предадена во полиција.

Со оглед дека пронајдената торбица била влажна и прекриена со слој кал, се верува дека е изгубена или фрлена пред повеќе од две недели, токму во времето кога Јелена е убиена.

Инаку на праменот коса од брутално убиената пејачка, кој е пронајден на гранка кај насипот нема траги од други лица - ниту познати, ниту непознати, покажаа резултатите од вештачењето и спроведената ДНК анализа.

Праменот коса пронајден на гранка кај каналот не даде клуч за решавање на овој многу сложен случај, па истрагата продолжува.