Претставата „Антигона и Креонт“ вечер во кино „Култура“
Претставата „Антигона и Креонт“ во режија на Нела Витошевиќ и продукција на Театар на Навигаторот Цветко вечер од 20 часот премиерно ќе биде изведена во кино Култура.
Адаптацијата е на Нела Витошевиќ и Ивана Нелковска. Во претставата играат: Симона Димковска, Ивана Павлаковиќ, Наталија Теодосиева, Зоран Љутков, Благој Веселинов и Стефан Вујисиќ. Сценографијата е на Васил Христов, костимографијата на Розе Трајчевска, а изборот на музика е на Нела Витошевиќ и Васил Христов.
Режисерката Витошевиќ на прес-конференција рече дека основата на приказната е соочувањето на Антигона и Креонт или судирот меѓу отпорот и власта. Во претставата има по три Антигони и Креонти или, како што рече, три паралелни приказни кои меѓусебно се испреплетуваат.
- Има три пара кои доаѓаат од различно време, но сите се погледнати од денешна призма и сите претставуваат еден ист лик, но тоа се различни аспекти на тој лик. Ја оставив претставата отворена за толкување, рече Витошевиќ, додавајќи дека на претставата гледа како студија на карактери, која се стреми психолошки да ги истражи ликовите - зошто тие така постапуваат, кои се нивните стравови, притисоци, задача што треба да ја извршат...
„Антигона и Креонт“ неодамна беше изведена на 15. Интернационален фестивал на античка драма „Стоби“.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд