Презентација на воени возила и опрема, дел од вежбата „Брз одговор“
Отворен ден организиран во рамки на вежбата „Брз одговор 23“ денеска од 11 до 14 часот ќе се одржи на градскиот плоштад во Кавадарци каде ќе бидат прикажани дел од возилата, вооружувањето и опремата што ќе се користи на оваа вежба.
На настанот ќе присуствуваат и министерката за одбрана Славјанка Петровска и амбасадорката на САД, Анџела Агелер.
Во рамки на отворениот ден, граѓаните ќе имаат можност да се запознаат со воени возила на нашата Армија и на вооружените сили на САД, Албанија, Црна Гора и Косово. Претставена ќе биде и опрема за алпинизам, нуркање, АБХО заштита и падобранство од Армијата.
Во Кавадарци ќе биде прикажано и роботизираното софистицирано возило т.н. PROJECT ORIGIN, кое е во пробна употреба и претставува платформа за тестирање и демонстрација на нови технологии на Армијата на САД.
Вежбата „Брз одговор 23“ („Immediate Response 23“), која започна на 22 мај на армискиот полигон во Криволак, е најголема вежба во земјава годинава со учество на армии на четири НАТО земји и една партнерска земја со вкупно околу 1.850 учесници. Покрај нашата армија на вежбата учествува и Националната гарда на Минесота САД, армиите на Албанија, Црна Гора и на Косово како земја партнер на НАТО.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот