Приближно 2.000 нови случаи на коронавирус во Бугарија во последните 24 часа
Во Бугарија во последните 24 часа се регистрирани нови 1.925 случаи на инфицирани со коронавирус, од извршени 13.695 тестови, покажуваат податоците на специјализираниот портал за информации.
Од изнесените податоци се гледа дека има 14 отсто позитивни примероци, а повеќето од новозаразените се идентификувани со брзите анализи на антиген.
По отворањето на „зелените коридори“ за време на викендите значително е зголемен бројот на вакцинирани лица. Повеќе од 130.000 лица веќе ја примиле првата од двете дози на вакцината. Од нив, само во последните 24 часа вакцинирани се 11.709 лица. Втората доза од вакцината досега ја примиле 27.952 лица.
Данчо Пенчев, директор на регионалниот здравствен инспекторат во Софија, за Бугарската национална телевизија изјави дека во март секој бугарски граѓанин ќе може да избере со која вакцина ќе се имунизира.
-Нема логистички проблеми поврзани со вакцините во Софија, категоричен е Пенчев.
Во моментов, инспекторатот во Софија има над 5.000 дози на „Астра Зенека“. Во четврток се очекуваат 12.000 дози на вакцините на „Модерна“, а околу 53.000 вакцини на „АстраЗенека“ ќе пристигнат до крајот на неделата, додека следната недела се очекуваат повеќе вакцини „Комирнат“ и „Фајзер“.
Во Бугарија во март се очекува да влезат над половина милион дози од различни видови вакцини. Тогаш е сосема можно да се достигне точката кога секој граѓанин на Бугарија би можел да избере вакцина со која ќе се вакцинира.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп