Прифатено и второто обвиниение за Васев

Скопскиот кривичен суд го прифати и второто обвинение против поранешниот медицински директор на Клиниката за онкологија, Нино Васев и тогашниот организациски директор, Нехат Нухи. 

Тие се товарат за злоупотреба на службената положба, измама во службата и проневера, со што, според Обвинителството, нанеле штета на државниот буџет во износ од над 2,6 милијарди денари.

Според обвинението, без основ набавувале скапи онколошки лекови, дел од нив фиктивно ги раздолжувале, а други ги присвојувале. 

Со незаконските постапки за јавни набавки, обвинеттите создале лажни обврски за кои Фондот за здравствено осигурување одобрувал условен буџет, убеден дека се работи за реални трошоци. 

Инаку, Нино Васев веќе седи на обвинителна клупа по претходно поднесено обвинение, а на почетокот на судскиот процес неговата одбрана го оспори вештачењето изработено во Словенија. Според бранителите, експертизата е невалидна бидејќи ја изработило лице што не се наоѓа на листата на судски вештаци.