Приносите на пченицата во Кочанско под очекувањата

Приносите на пченицата во Кочанско поради пролетниот мраз се намалени и под очекувањата. Се разликуваат во ридскиот дел од општината кај селата Тркање, Бање, Соколарци и Спанчево каде што се добиени 1.500 килограми на хектар. Подобар е родот во атарите на селата Горни и Долни Подлог, Мојанци и Прибачево, и по шест тони.

Како што информира Подрачната единица на Министерството за земјоделство, шумарство и водостопанство, жетвата е во полн ек, а се очекува да заврши за десетина дена.

Со житни култури во Кочанско се насеани 6.606 хектари од кои 3.336 јачмен,  3.085 пченица, 110 рж и 25 хекатри овес, а на другите житни култури отпаѓаат 20 хектари.