Приведено лице од Прилеп, по претрес пронајдена дрога

Едно лице било приведено по претрес во дом и други простории во Прилеп, во кои е пронајдена дрога, соопштија вечерва од Министерството за внатрешни работи.

- Денеска врз основа на судска наредба од Основен суд - Прилеп, полициски службеници од ОВР - Прилеп извршиле претрес во дом и други простории во градот, што ги користи Р.Р., на возраст од 52 години од овој град. При претресот, пронајдена е кеса со марихуана, како и семки од канабис, се наведува во соопштението на МВР.

По документирање на настанот, ќе следува соодветна кривична пријава.