Проблемите на Тони Абот со алкохолот

Поранешниот премиер на Австралија, Тони Абот, во една прилика во 2009 година, со свои колеги испил неколку шишиња вино во Парламентот, додека пратениците заседавале, и потоа не можел да оди на седницата.

Во филм на телевизијата Еј-Би-Си, во кој се говори за пикантериите зад кулисите на Парламентот, Абот раскажува како таа вечер заспал во својот кабинет и како изутрината неговите колеги од Либералната партија се мачеле да го разбудат, за да присуствува на важна седница, но не успеале.

Подоцна истата таа 2009 година, Абот го замени сегашниот премиер Малком Трнбол како тогашен лидер на опозицијата. На премиерската функција се врати во 2013., но повторно беше заменет од Трнбол во 2015.

- Не можам да се сетам на некој друг што пропуштил гласање, затоа што бил премногу пијан, за да стигне до салата. Но, Тони си призна и тоа е добро... Јасно е дека тоа не е за восхит и не е примерно, прокоментира сегашниот шеф на австралиската Влада за локално радио.