-->
-->
Продолжен рокот за поднесување документи за изградба на пречистителна станица во Кочани
-->
Со потпишување на договорот со консултантската куќа СЕКО во октомври минатата година, во Кочани започнаа активностите за изградба на колекторски систем и пречистителна станица на отпадните води. Активностите се спроведуваат според однапред утврдената динамика од страна на Комуналното јавно претпријатие „Водовод“ и општина Кочани.
- Од потпишувањето на договорот со компанијата Секо во октомври минатата година реализиравме неколку значајни активности. Набавени се цевки и шахти за колекторскиот систем долг 10 километри, а по барање на поголем број изведувачи го продолживме рокот за поднесување на документи за изградба на пречистителна станица до 5 септември. Со ова ги задоволивме барањата на заинтересираните компании кои во мегувреме го посетија теренот каде што ќе се гради пречистителната станица за одпадни води, ни изјави Љупчо Папазов, директор на КЈП„Водовод“ од Кочани.
Според Папазов пречистителаната станица ќе се гради во непосредна близина на селото Мојанци во општина Кочани а наредните месеци се очекува да започнат градежните работи на првиот дел од колекторот заедно со приклучоците. За на пролет е планирано да продолжи изградбата на вториот дел од колекторскиот ситем, а се очекува и старт на градежните работи на пречистителаната станица.
Вкупната инвестиција за овој капитален проект кој треба да заврши во 2019 година, изнесува една милијарда и 100 милиони денари, односно 21 милион швајцарски франци кој ќе се реализира со финансиска подршка на швајцарската Влада, Министерството за животна средина и просторно планирање и Општина Кочани.
-->
-->
-->
Ново на Сител
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје
-
Утревечер седница на Советот за безбедност на ОН за Босна и Херцеговина по барање на Русија
-
За брзо возење 286 санкции на територија на цела држава
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024