Пронајдени неексплодирани убојни средства во Охридското езеро

Дирекцијата за заштита и спасување на завчера во вечерните часови од ПС Охрид прими информација дека се пријавени неексплодирани убојни средства во водите на Охридското езеро во близина на „Плажата на АРМ“ до каналот на Езерската полиција.

Вчера рано утрото е организирана акција за пронаоѓање и вадење на неексплодираните убојни средства, во акцијата беа вклучени нуркачи од тимот за брз одговор за подводно дeминирање од Дирекцијата за заштита и спасување од Охрид кои учествуваа  во акцијата за „Чистење на Охридското езеро од НУС“ во изминатиов период.

Со чамец на Езерската полиција од Охрид се отиде до местото кое беше оддалечено околу 50 метри од брегот на езерото, се пронајдоа и се извадија две минофрлачки мини од 75 мм кои беа преземени од, пиротехничар во Дирекцијата за заштита и спасување - Подрачно одделение - Кичево.

Истите се сместени на безбедно се до нивното уништување во организирана акција на полигонот на АРМ „Криволак“.