Пропадна еврообврзницата од 600 милиони евра - Тупанчевски не ја потпишал

Министерството за финансии попладнево соопшти дека процесот на задолжување на државата за 600 милиони евра преку издавање еврообврзница, ќе биде спроведен по изборот на новиот министер за правда. Задолжувањето, како што објавија некои медиуми, пропаднало бидејќи за него бил потребен и потписот на министерот за правда, а досегашниот, кој е во заминување, Никола Тупанчески, не го потпишал пред да поднесе оставка во Собранието, каде е во тек седницата на која треба да се избере новиот министер.

Со ова, процесот се враќа на почеток, односно државата ќе треба одново да издава еврообврзница, бидејќи оваа пропаѓа.

„Законски, за издавање на еврообврзницата, потребно е мислење на министерот за правда, кој е меѓу министрите кои поднесоа оставки до Собранието“, велат од МФ.