Проруските сепаратисти почнаа офанзиви во Доњецк и Лугањск

Проруските сепаратисти денеска објавија дека почнале офанзива против градот Шчастија во провинцијата Лугањск, што е под контрола на Украина. Во провинцијата Доњецк почнале голема воена операција долж линијата на одвојување, јавија руските медиуми.

Рускиот претседател Владимир Путин денеска одобри воена операција во Украина.

Украинскиот претседател Володимир Зеленски изјави дека Русија извршила ракетни напади врз украинската инфраструктура и пограничните сили и дека експлозии се слушнале во многу градови. Тој додаде дека е прогласена вонредна состојба низ целата држава.

Во посебно соопштение, украинското Министерство за надворешни работи соопшти дека целта на руската воена операција е уништување на украинската држава.