-->
-->
Протест на грчките фудбалери
-->
Меч од втората грчка фудбалска лига беше одложен за две минути, откако 22 фудбалери седнаа на тревата во знак на протест против се поголемата смртност на мигрантите кои се обидуваат да стигнат до егејските острови во Егејското Море.
Гестот на солидарност се случи на натпревар меѓу АЕЛ Лариса и Ахарнаикос, в градот Лариса во петокот, кога само што беше означен почетокот на мечот, сите 22 играчи, тренерите и помошниците седнаа во тишина од две минути да покажат почит кон оние кои ги загубиле своите животи обидувајќи се да избегаат од конфликтните места како Сирија и Ирак.
Во официјалната изјава на клубовите стои: „Администрацијата на АЕЛ, тренерите и играчите ќе останат две минути во тишина по почетокот на мечот во сеќавање на стотиците деца кои продолжуваат секојдневно да гинат во Егејското Море поради бруталната незаинтересираност на ЕУ и Труција.
Играчите на АЕЛ ќе протестираат седејќи две минути со цел да ги поттикнат надлежните да се мобилизираат и да спречат да има жртви на грозоморни злосторства што се случуваат во Егејот“.
Грција стана главна порта за бегалците кои пристигнуваат во Европа, а многумина од нив го ставаат животот на коцка за да преминат од Турција во Грција, превезувајќи се со небезбедни чамци или пренатрупани бродчиња.
Пет деца загинаа меѓу последните 33 мигранти кои се удавија во Егејското Море откако нивниот брод потона во саботата, во обид да стигне од Турција во Грција.
Гестот на фудбалерите доаѓа 24 часа по објавата на Олимпискиот комитет дека олимпискиот оган за Олимписките игри во Рио де Женеиро 2016 ќе помине низ бегалскиот камп во Атина, а еден мигрант ќе го носи факелот неколку километри.
-->
-->
-->
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево