Протест на сточарите од југот на Албанија, блокирани патишта
Сточарите од јужната албанска околија, Ѓирокастро излегоа на улиците за да протестираат против неисполнетите барања на Министерството за земјоделство.
-Денеска сточарите од 10 општини од југот на земјата во знак на предупредување го блокираа националниот пат Кардик-Делвина и уште еднаш побараа исполнување на нивните барања, јави Топ чанел.
Според телевизијата, покрај барањето да се преговара за продажната цена на млекото, сточарите, меѓу другото бараат и регенерација на пасиштата, регулирање на пазарот за продажба на месо, како и двојно зголемување на субвенцијата по грло добиток.
На средба со министерката Анила Денај, пред две недели, тврдат дека добиле ветувања за надминување на овие проблеми, но до денес не се реализирани.
-Тие, исто така, тврдат дека долгиот список на проблеми со добитокот, вклучително и зголемените трошоци за добиточна храна и гориво, ги преполовиле стадата и натерале многу фармери да емигрираат.
Според нив, ова е само за фаворизирање на поголеми производствени индустрии, на штета на традиционалното сточарство на планините на југот на земјата, наведува Топ чанел.
Ново на Сител
-
Убиство во Тетово
-
Алтернатива ќе избира претседател на партијата
-
Четврто собрание на Алијансата на Албанците
-
Хамас го прифати предлогот за преговори за ослободување на израелските заложници
-
Евакуирани речиси 5800 луѓе поради пукање на брана во Кина
-
Бајден: Само Господ може да ме отстрани од претседателската трка
-
НАТО и името на „координацијата за меѓународната безбедносна помош“ за Украина
-
Сончево и топло, температура до 36 степени