Протестен марш на граѓанската иницијатива „За заедничка Македонија“ во Куманово
Мирно заврши маршот што го организираше денеска граѓанската иницијатива „За заедничка Македонија“ во Куманово.
Граѓани масовно се приклучија на маршот од пред Соколанскиот парк, а се движеа низ централните градски улици, пеејќи македонски патриотски песни. Побараа да не се воведува двојазичност и да се зачува унитарниот карактер на државата. Протестот финишира пред плоштадот кај Центарот за култура „Трајко Прокопиев“.
- Овде сме да ја одбраниме Македонија, таква каква што ни ја оставија нашите претци. Не се работи за политичка партија, за функции, туку за нешто големо. Се работи за нашата татковина - Македонија, рече Миомир Панковски од иницијативата и изрази јавна благодарност до претседателот на државата Иванов за донесената одлука да не и го довери мандатот за формирање влада на СДСМ.
Според него, не ни требаат олеснувачи, преговарачи кои не ја осудија платформата донесена постизборно, а граѓани од други етнички заедници како Србите, Бошњаците, Ромите се приклучуваат кон иницијативата.
- Не сме против Албанците, туку за соживот на сите кои живеат во Македонија. Доста е со сите манипулирања во овие изминати две години, а круна на сето тоа е платформата што се појави по изборите, потенцира Панковски.
Македонците додаде, бараат унитарна, мултиетничка, мултикултурна и суверена независна Македонија во која сите заедно ќе живеат. Апелира граѓаните да излезат и да се придружат во одбраната на Македонија, оти друга држава, како што нагласи, немаме.
Ново на Сител
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија