Протести во Брисел поради новите рестриктивни мерки
Илјадници луѓе присуствуваа на денешниот протест во центарот на Брисел поради заострените рестриктивни мерки на белгиската Влада за сузбување на ширењето на Ковид-19.
Владата на Белгија во петокот, третпат по ред, најави заострување на епидемиолошките мерки по зголемување на бројот на новозаболени од Ковид-19.
Демонстраните извикуваа „Слобода, слобода“ и носеа транспаренти на кои пишуваше „Обединети за нашата слобода, за правата и за нашите деца“.
Премиерот на Белгија, Александер Де Кро на 3 декември најави дека градинките и училиштата ќе бидат затворени една седмица пред празниците, потоа децата до шест години задолжително да носат маски, а на настаните во затворен простор ќе можат да присуствуваат максимум 200 луѓе.
Според неделниот просек во Белгија дневно се пријавуваат 17.862 новозаразени лица, што е зголемување за шест отсто во однос на претходната седмица. Бројот на примени во болница е зголемен за четири проценти. Повеќе од 3.700 луѓе заразени со Ковид-19 се хоспитализирани, од кои 821 лице се на интензивна нега.
Од почетокот на пандемијата во Белгија регистрирани се 27.000 смртни случаи.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух