Прва средба на Јункер со премиерот Борис Џонсон
Претседателот на Европската Комисија во заминување, Жан Клод Јункер, ќе се сретне со Борис Џонсон за првпат во својство на премиер. Средбата ќе се одржи во Луксембург.
Џонсон и Јункер ќе имаат работен ручек, информираат прес службите на двете страни, но не откриваат за што ќе се разговара.
Обединетото Кралство треба да ја напушти Европската Унија на 31 октомври, но ЕУ бара тоа да се случи со претходен договор. И покрај обидите на Борис Џонсон, британскиот парламент изгласа забрана за Брегзит без договор.
Останува, сепак, фактот дека британската Влада се противи на механизмот на заштита предвиден за ирската граница, попознат како “бекстоп“. Според ирските медиуми, се очекува Џонсон да му порача на Јункер дека сака претходен договор за Брегзит, но дека не може да се согласи за бекстопот за Ирска.
Во неговите последни јавни настапи, британскиот премиер се покажа оптимист дека е можен договор со Брисел за Брегзит до самитот на ЕУ кон средината на октомври, а многумина шпекулираат дека денешната средба со Јункер е знак дека двете страни се блиску до договор околу ирската граница, што е главната пречка меѓу двете страни.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата