Пукаат и извикуваат Алах Абкар, моментот кога терористите го заробуваат рускиот пилот

Сириска бунтовничка група објави видео клип во кој се тврди дека еден од пилотите на денеска соборениот руски воен авион е мртов, пренесе Reuters.

Агенцијата соопштува дека клипот го примила од група што дејствува во северозападниот дел на Сирија и се бори против режимот на Башар ал Асад. На видеото маж, за кој се тврди дека е еден од пилотите на соборениот Су-24 (Сухој), лежи неподвижно, тешко ранет. Членовите на групата од која потекнува клипот се приближуваат до него, при што од нив се слуша: „руски пилот“ и „Алах е голем“. Претставник на бунтовничката група за Reuters рекол дека мажот е мртов, а не споменал ништо за другиот пилот кој бил во авионот.