Путин: На пилотот од соборениот авион ќе му биде доделен орден „Херој на Руската Федерација“
На пилотот кој загина во соборувањето на рускиот бомбардер Су-24 на територијата на Сирија, постхумно ќе му биде доделен орден „Херој на Руската Федерација“, соопшти денеска рускиот претседател Владимир Путин.
- На командантот на авионот постхумно ќе му биде доделена „Ѕвезда Херој на Руската Федерација“, изјави Путин.
Другиот пилот, навигателот на леталото, кој е спасен и се наоѓа во руската воздухопловна база во Сирија, исто така ќе биде одликуван, наведе Путин.
Тој, како и останатите учесници во спасувачката операција ќе примат државно одликување. Министерството за одбрана веќе даде предлози, рече рускиот претседател.
„Херој на Руската Федерација“ е највисоко почесно одликување во Русија, установено во 1992 година, а се доделува за посебни заслуги, лични или колективни подвизи во служба на државата.
Златната ѕвезда е симбол на „Херој на Руската Федерација“.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори