Путин: Нема сила што е способна да ја пороби Русија
Нема сила што е способна да ја пороби Русија, истакна рускиот претседател Владимир Путин при говорот на Црвениот плоштад во Москва, каде се одржа Парада на победата.
- Нема, немало и нема да има сила што може да го покори нашиот народ, увери Путин.
- За време на Втората светска војна „нацистите го нападнаа Советскиот Сојуз сo најмоќни удари“, но народот направи нешто што изгледаше невозможно на прв поглед - го сврте „крвавото тркало“ на Втората светска војна и го покори нацизмот, стави крај на неговите злосторства, нагласи рускиот претседател.
- Вооружените сили на Русија „можат да се одбранат од секоја потенцијална агресија“, но за ефективна борба со тероризмот, екстремизмот, неонацизмот и другите закани неопходно е да се консолидира целата меѓународна заедица, објасни Путин.
Рускиот претседател со цел да им оддаде почит на загинатите во војната положи венец на Споменикот на незнајниот јунак во Александровската градина.
Во парадата учествуваат речиси 10.000 лица, 114 единици со копнена борбена техника, 72 хеликоптери и авиони.
Првпат на парадата се вклучени и единици на општоруското воено-патриотско движење „Јунармија“, девојки-курсисти на Воената придружна академија „Буџони“ и Воено-вселенската академија „Можајски“, како и маринци од Северната флота.
Арктичката техника, која годинава првпат е вклучена во парадата, е претставена од ракетните комплекси „Тор-М2ДТ“ и „Панцир-СА“.
Ново на Сител
-
Изменет сообраќаен режим во Скопје
-
Литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Дачиќ: Српското МВР испраќа 36 членови на Тимот за спасување за помош во поплавите во БиХ
-
Маск: Трамп мора да победи за да се зачува Уставот и демократијата во Америка
-
ИДФ: Нападнати центри на Хамас во поранешно училиште и џамија
-
Состојба на патишта
-
Променливо облачно со дожд
-
Црвен Крст: Апел за помош за настраданото население од поплавите во Босна и Херцеговина