Путин подготвен за средба со Ким Џонг-ун
Рускиот претседател Владимир Путин изрази подготвеност да се сретне со лидерот на Северна Кореја, Ким Џонг-ун, објавија денеска севернокорејските медиуми.
Според истите извори, Путин ваквата подготвеност ја изразил во телеграма упатена до Ким по повод 15 август - Денот на ослободувањето на двете Кореи во Втората светска војна.
- Подготвен сум да се сретнам со Вас во најскоро време за да разгледаме актуелни прашања од билатералните односи и важни регионални теми, се вели во телеграмата на Путин.
Рускиот претседател оценува дека односите меѓу Русија и Северна Кореја имаат „пријателски и конструктивен карактер“ и изразува увереност дека Москва и Пјонгајнг можат да „развијат соработка во взаемен интерес, вклучително и реализација на тристрани програми со учество на Русија, Народна Демократска Република Кореја и Република Кореја“.
Путин уште претходно упати покана до Ким да ја посети Русија, а извори во Кремљ информираат дека севернокорејскиот лидер би можел да присуствува на Самитот на Источниот економски форум во Владивосток во септември или да има посебна посета на Москва.
Ново на Сител
-
Муцунски: Наскоро ќе почнат консултациите за нови амбасадори и пополнување на местата во конзулатите
-
Нови израелски напади врз областа околу Бејрут
-
Приведено лице за издржување на тригодишна казна затвор
-
Промена на времето со значителен пад на дневната температура
-
Санкции за правно и физичко лице поради неправилности при јавен превоз со товарно возило
-
Почина родилка во Куманово
-
Казнети три ресторани и месарница во Кавадарци, уништени 87 килограми небезбедна храна
-
Најмалку десет загинати и 11 повредени во експлозија на бензинска пумпа во Русија