Путин: За разлика од Косово, Крим се отцепи со референдум

Рускиот претседател Владимир Путин денеска изјави денеска Крим станал дел од Русија како резултат на референдум, за разлика од Косово.

Тој додаде дека Западот го „голтнал“ отцепувањето на Косово, додека за жителите на Крим биле воведени санкции.

„Да, ние немаме вина во споредба со вас“, рече Путин за време на неговата традиционална годишна конференција, одговарајќи на прашање на британски новинар, дали Русија е секогаш невина или има малку кривица за лошите односи со Западот.

Путин денес одржува годишна конференција во Москва, која оваа година е организирана во малку изменет формат поради пандемијата на коронавирусот.